Herskáir Evrópumenn

Fyrir skemmstu sýndi skoðanakönnun að yfirgnæfandi meirihluti Íslendinga væri andsnúinn því að íslenska ríkið keypti vopn til að senda í stríðið í Úkraínu. 

Á sama tíma eru íbúar Evrópusambandsins óðir og uppvægir í að hella olíu á eldinn.

Stríðsmenningin í Evrópu ristir djúpt. 

Vill þjóð í friðargöngu ganga í herveldi?

Í dag er gengið til friðar niður Laugaveg.  Sú Þorláksmessuhefð komst á þegar kalda stríðið stóð hátt, fyrir nærri hálfri öld síðan.  Seint verður sagt að það sé sérlega friðsamt í heiminum þessa dagana.  Barist er víða og fólki slátrað eins og enginn sé morgundagurinn.  Í Úkraínu er líklega búið að drepa eða limlesta vel á aðra milljón ungra manna.

Evrópusambandið er ákafur gerandi í þeim leik, og er stolt af því.

Á sama tíma segist ríkisstjórn Íslands vilja ýta af stað ferli sem miðar að því að gera Íslendinga að þegnum í því sama Evrópusambandi.

Þeir sem ganga niður Laugaveginn í dag ættu að velta fyrir sér hvort þeir vilji gera börnum sínum og barnabörnum að lúta því sambandi.

Stóra lygin að Rússar ætli að ráðast inn í fleiri lönd

Nú er sænskum almenningi talið trú um að Pútín sé með innrás í Svíþjóð á teikniborðinu. Því þurfi að skipuleggja grafreiti fyrir hálfa milljón Svía og bæklingur sendur á hvert heimili um að gera sig klár fyrir stríð.

Alveg eins og almenningi í Litháen er talið trú um að Pútín ætli næst að ráðast þangað inn.

Sem betur fer eru einhverjir sem sjá í gegnum þetta bull. Chris Forsne, fyrrum þáttastjórnandi SVT gagnrýnir þessa lygi sænskra yfirvalda. Hún bendir á að sögulega sé þá séu það Rússar sem hafi frekar þurft að óttast árás frá Svíum en Svíar árás frá Rússum.

Ætli sænskir hergagnaframleiðendur standi fyrir þessum áróðri og óttastjórnun, bara til að hrinda þriðju heimstyrjöldinni af stað og selja fullt af vopnum.

 

 

 

Útrýming mannkyns gæti frestast

Núverandi forseti Bandaríkjanna ákvað að gera alvöru tilraun til að hrinda af stað heimsstyrjöld með eldflaugaárás á Rússland þann 11. desember.  Nýkjörinn forseti sem tekur við í janúar bað alla aðila lengstra orða að sýna stillingu.  Rússar gerðu það, líklega í von um að sá nýkjörni muni spara sprengjurnar. 

Sagt er frá málinu í smáatriðum í grein Scott Ritter á Substack:

https://scottritter.substack.com/p/how-trump-saved-christmas

 

Hernaðarandstæðingar í fjölmiðlum

Fréttastofa RÚV tók Guttorm Þorsteinsson formann SHA tali vegna uppbyggingar hernaðarmannvirkja á Íslandi. Fréttina má lesa hér: https://fridur.us3.list-manage.com/track/click?u=2bd2db42c5b926dc8cd6ebb30&id=323a55958f&e=295fb20e5b

Guttormur og Soffía Sigurðardóttir, miðnefndarfulltrúi SHA, voru sömuleiðis viðmælendur Rauða borðsins á Samstöðinni þar sem var löng og góð umræða um málefnið: https://fridur.us3.list-manage.com/track/click?u=2bd2db42c5b926dc8cd6ebb30&id=2d9de04073&e=295fb20e5b

Stefán Pálsson úr miðnefnd SHA var einnig í löngu viðtali í morgunútvarpi Rásar 1 þar sem rætt var um útgáfu bókarinnar Gengið til friðar o.fl. - Hlýða má á viðtalið hér: https://fridur.us3.list-manage.com/track/click?u=2bd2db42c5b926dc8cd6ebb30&id=c3e6da0742&e=295fb20e5b (Byrjar á 1:09:30)

Ákall í Þýskalandi

Sífellt fleiri hafa efasemdir um ágæti stríðsins í Úkraínu og hættan á heimsstyrjöld er meiri en nokkru sinni áður.  Hópur þekktra Þjóðverja hefur skrifað ákall gegn stríði, sem Sahra Wagenknecht segir hér frá: 

 

https://www.youtube.com/watch?v=F1HBIqt38xo

Til að halda stríði gangandi

Til að halda stríði gangandi þarf að sinna ýmsum skylduverkum.  Í fyrsta lagi þarf að viðhalda skrímslavæðingu óvinarins.  Hann er svo vondur að það verður að halda stríðinu áfram.  Í öðru lagi þarf að koma í veg fyrir að sjónarmið óvinarins heyrist. 

Sífellt berast fréttir um að uppskriftinni sé fylgt.  Evrópusambandið bannar rússneska fjölmiðla og í hvert sinn sem eitthvað bregður út af kemur flóðbylgja af fréttum þar sem hver miðillinn lepur upp eftir öðrum að Rússar séu sökudólgurinn. Þannig nýttist tjón á snúrum í Eystrasalti vel til að viðhalda skrímslavæðingu Rússa.  Í málum af því tagi skiptir sannleikurinn litlu máli.  Þegar leiðrétting berst er sagan búin að gera sitt gagn. 

 

 https://www.ruv.is/frettir/erlent/2024-12-03-ekki-skemmdarverk-heldur-vinnuslys-segir-finnska-logreglan-430029

Þeir nenna þessu ekki lengur

Fréttir berast af því að menn strjúki úr hernaði.  Það er auðvitað ágætt, því ef enginn mætir verður ekki stríð.  Það vekur hins vegar furðu að það skulu bara vera 200.000 en ekki tvær milljónir sem hafa sagt upp þessu starfi í Úkraínu.

 

https://libertarianinstitute.org/news/as-many-as-200000-ukrainian-soldiers-have-deserted/

Á fleygiferð að hengiflugi

Varla líður sá dagur að ekki berist nýjar fréttir af því að skref hafi verið tekið í átt að heimsstyrjöld. 

Ljóst er að öllum flóknu vígvélunum sem sendar hafa verið til Úkraínu er stjórnað af hermönnum vesturveldanna.  Heimamenn kunna einfaldlega ekki á tækin. 

Á sama tíma prófa Rússar nýja sprengiflaug sem flýgur svo hratt að engin leið er að stöðva hana. 

Og enn æpa menn á torgum vesturlanda:  "meira stríð, meira stríð", eins og árið 1914. 

Úti á Íslandi velta svo sumir fyrir sér hvort ekki sé best að fá þessu fólki stjórnvald á Íslandi. 

 

https://steigan.no/2024/12/norge-aktivt-med-i-krigen-sender-kampfly-og-soldater-til-polen/

Tryggja áfram svartamarkaðsbrask Zelenskys

Er það ekki einkennilegt að enginn sem gagnrýndi vopnakaupin skuli hafa komist inn á þing? Er þetta til að tryggja að engin umræða skapist um ólögmæti vopnakaupanna? Til að enginn bryddi upp á því að þingmenn síðasta þings séu allir landráðamenn? og fyrrverandi og núverandi forseti líka.

Hvaða öfl eru hér að baki? Hver fær borgað inn á prívatreikninga á aflandseyjum fyrir að koma vopnakaupunum í gegnum þingið? 

Og síðast en ekki síst, þegar Trump tekur við og stríðið í Úkraínu hættir (vonandi) mun þá íslenska ríkið halda áfram að senda vopn þarna út? Tilgangurinn er jú að fóðra svartamarkaðsbrask Zelensky og félaga, að selja vopnin áfram til Bangladesh og alls kyns landa og hryðjuverkahópa.