Til að halda stríði gangandi

Til að halda stríði gangandi þarf að sinna ýmsum skylduverkum.  Í fyrsta lagi þarf að viðhalda skrímslavæðingu óvinarins.  Hann er svo vondur að það verður að halda stríðinu áfram.  Í öðru lagi þarf að koma í veg fyrir að sjónarmið óvinarins heyrist. 

Sífellt berast fréttir um að uppskriftinni sé fylgt.  Evrópusambandið bannar rússneska fjölmiðla og í hvert sinn sem eitthvað bregður út af kemur flóðbylgja af fréttum þar sem hver miðillinn lepur upp eftir öðrum að Rússar séu sökudólgurinn. Þannig nýttist tjón á snúrum í Eystrasalti vel til að viðhalda skrímslavæðingu Rússa.  Í málum af því tagi skiptir sannleikurinn litlu máli.  Þegar leiðrétting berst er sagan búin að gera sitt gagn. 

 

 https://www.ruv.is/frettir/erlent/2024-12-03-ekki-skemmdarverk-heldur-vinnuslys-segir-finnska-logreglan-430029

Athugasemdir

[Vagn (IP-tala skráð) 8.12.2024 kl. 15:17]

Stuðningsmenn Pútíns hafa uppveðraðir beðið eftir að Rússum yrði kennt um slit á strengjum í Eystrasalti. Verið í startholunum með að segja það skrímslavæðingu. Þolinmæði þeirra er greinilega á þrotum og biðin eftir ásökunum sem ekki vilja koma of löng.

En kínverskur fraktari er helst grunaður um að hafa dregið ankeri um svæðið og slitið annan strenginn og vinnuslys á gröfu sleit hinn. Kínversk stjórnvöld hafa verið beðin um að aðstoða við rannsókn á fyrra atvikinu og Finnska lögreglan hefur lokið rannsókn á því seinna. Aðeins fylgjendur Pútíns, innrásar hans í annað fullvalda sjálfstætt ríki og árásir á almenna borgara hafa nefnt Rússa. Og þá helst í því samhengi að ekkert sé að marka fjölmiðla og stjórnvöld utan Rússlands sem noti hvert tækifæri til að skrímslavæða Rússa. Aðrir hafa ekki minnst á Rússa í þessum málum.

Er ekki betra dæmi um skrímslavæðingu og litla virðingu fyrir sannleikanum þegar áhangendur Pútíns ásaka fjölmiðla og stjórnvöld utan Rússlands um tilhæfulausar ásakanir þegar engar hafa verið settar fram?

[Hildur Þórðardóttir, 8.12.2024 kl. 18:23]

Frá Samtökum gegn stríði:

RÚV segir orðrétt í fréttum sem hanga við þá sem tengillinn vísar á:

 

Skemmdir á leiðslum í Eystrasalti síðan innrás Rússlands í Úkraínu hófst hafa vakið grun um skemmdarverk. 

 

Þýsk og finnsk yfirvöld rannsaka skemmdir sem orðið hafa á sæstreng milli landanna sem liggur á botni Eystrasalts. Talið er að skemmdirnar gætu verið hluti af stríðsrekstri.

 

Í sameiginlegri yfirlýsingu frá utanríkisráðherrum þjóðanna segir að öryggi Evrópu eigi undir högg að sækja og að verið sé að rannsaka hvort skemmdarverk hafi verið unnin.

 

Það fer ekkert á milli mála hvað lesandinn á að halda:  Vitaskuld var Pútín þarna með klippurnar sínar og ef hann var ekki þarna, þá hefði hanni viljað vera þarna, því hann er svo vondur.  Stríðsæsingamönnum er ekki sjálfrátt.

[Vagn (IP-tala skráð) 8.12.2024 kl. 20:05]

Engar ásakanir, þó þú teljir svo vera. Mig grunar til dæmis margt um þig, en hef ekki ásakað þig um það sem mig grunar. Það er munur á grun, hugleiðingum um atburð og svo ásökun, allavega utan Rússlands.