Svo virðist sem íslenskum stjórnvöldum þyki ekki nóg gert í vopnakaupum.  Kjötkvarnirnar eru kannski farnar að hökta. 2 milljörðum í viðbót vill ríkisstjórnin henda á bálið.

Nú á tímum þegar þjóðaratkvæðagreiðsla er svarið við öllu mögulegu er tilvalið að spyrja þjóðina hvort hún vilji borga fyrir meiri vopn til að kynda bálið í Úkraínu og Rússlandi.

Reyndar sýnir skoðanakönnun prósent frá því í haust og birt hefur verið hér á blogginu svo afgerandi neikvæða afstöðu þjóðarinnar, að það mætti spara með því að gleyma bara málinu.  

https://www.mbl.is/frettir/innlent/2025/02/24/island_eykur_fjarstudning_vid_ukrainu/

https://gegnstridi.blog.is/blog/gegnstridi/image/1446241/

Í Brussel í síðustu viku sat ég við hlið dansk manns sem hafði það að atvinnu að selja vopn. Hann staðfesti sem ég hef haldið fram lengi lengi að þriðjungur vopnanna sem sendir voru til Úkraínu var síðan seldur áfram á svörtum markaði. Það eru að sjálfsögðu Zelensky og vinir hans, herforingjar og fleiri spilltir úkraínumenn sem sjá sér leik á borði til að fóðra eigin vasa.

Þess vegna var Zelensky á hverjum fjarfundinum á fætur öðrum og á fundum hjá öllum ríkisstjórnum sem vildu hleypa honum að, endalaust betlandi um fleiri vopn. Fannst engum það skrítið nema mér?

Kannski muna einhverjir eftir úkraínsku flugvélinni sem hrapaði í Grikklandi, full af vopnum á leið til Bangladesh. Opinbera skýringin var að þetta væru vopn frá Serbíu eða eitthvað annað álíka fáránlegt. Hver sem hefur smá vott af heila hlýtur að sjá í gegnum þetta.

Svo er komið í ljós að Zelensky segist ekki hafa fengið 100 milljarða dollara sem send voru til aðstoðar Úkraínu "til að standa vörð um lýðræði og tjáningarfrelsi." En auðvitað fjalla íslenskir fjölmiðlar ekki um það.

Í þessu samhengi ber að geta að Zelensky boðaði ekki til lögbundinna kosninga þegar hans tími var búinn og hefur nú bannað alla aðra stjórnarflokka, sem og fjölmiðla sem ekki lofsyngja hann. Má segja að hann hafi tekið lýðræði og tjáningarfrelsi upp í nýjar hæðir og við Evrópuþjóðir hljótum að apa þetta upp eftir honum.

Minnir mig á söguna 1984: Stríð er friður, frelsi er þrældómur og fáfræði er styrkleiki. Í okkar samfélagi er það: Lýðræði þýðir engar kosningar og tjáningarfrelsi þýðir að enginn fjölmiðill má starfa nema hann lofsyngi foringjann. 

Óskaplega líta íslenskir stjórnmálamenn nú hálfvitalegir út búnir að samþykkja að kaupa vopn fyrir marga milljarða og senda enn fleiri milljarða í peningagjafir til Úkraínu. Man einhver eftir þegar Katrín Jakobs og Þórdís Kolbrún fóru með ferðatösku fulla af seðlum út handa Zelensy? Kannski man hann ekkert eftir að hafa fengið þá gjöf heldur.

Í dag er gengið til friðar niður Laugaveg.  Sú Þorláksmessuhefð komst á þegar kalda stríðið stóð hátt, fyrir nærri hálfri öld síðan.  Seint verður sagt að það sé sérlega friðsamt í heiminum þessa dagana.  Barist er víða og fólki slátrað eins og enginn sé morgundagurinn.  Í Úkraínu er líklega búið að drepa eða limlesta vel á aðra milljón ungra manna.

Evrópusambandið er ákafur gerandi í þeim leik, og er stolt af því.

Á sama tíma segist ríkisstjórn Íslands vilja ýta af stað ferli sem miðar að því að gera Íslendinga að þegnum í því sama Evrópusambandi.

Þeir sem ganga niður Laugaveginn í dag ættu að velta fyrir sér hvort þeir vilji gera börnum sínum og barnabörnum að lúta því sambandi.

Núverandi forseti Bandaríkjanna ákvað að gera alvöru tilraun til að hrinda af stað heimsstyrjöld með eldflaugaárás á Rússland þann 11. desember.  Nýkjörinn forseti sem tekur við í janúar bað alla aðila lengstra orða að sýna stillingu.  Rússar gerðu það, líklega í von um að sá nýkjörni muni spara sprengjurnar. 

Sagt er frá málinu í smáatriðum í grein Scott Ritter á Substack:

https://scottritter.substack.com/p/how-trump-saved-christmas

Sífellt fleiri hafa efasemdir um ágæti stríðsins í Úkraínu og hættan á heimsstyrjöld er meiri en nokkru sinni áður.  Hópur þekktra Þjóðverja hefur skrifað ákall gegn stríði, sem Sahra Wagenknecht segir hér frá: 

https://www.youtube.com/watch?v=F1HBIqt38xo